Сахалыы гороскоп бэлиэлэрэ 2021

Ый бэлиэлэринэн сыллааҕы гороскоп

Быйыл Сибиинньэ сылын кытта Кытай халандаарын мөһүлгэтэ, атыннык эттэххэ, биир эргиирэ (12 сыл) түмүктэнэр. Онон 2020 сылтан, Кырыыса сылыттан, саҥа кэрдиис кэм саҕаланар.

Саҥа кэрдиис кэм судургута суохтук саҕаланар чинчилээх. Тоҕо диэтэххэ, 2020 сылга олох өссө биир мөһүлгэтин олуга, акылаата охсуллуохтаах. Ол аата кэлэр 12 сыл этэҥҥэ ситиһиилээхтик ааһарын туһугар быйыл хаһааҥҥытааҕар да элбэҕи хамсаныахтааххыт. Аны туран, астрологтар суруйалларынан, кырыыса – уустук, кыҥкый, кубулҕат майгылаах харамай. Кини санаатын табар туһугар тугу эрэ туран бэриллиэхтээх эрээри, букатын ыһыктар наадата суох. Кырыыса, күүстээх уонна хорсун дьону сөбүлүүр буолан, тиһэҕэр кыһамньылаах сыһыаҥҥытын сыаналыахтаах.

Кырыыса – кытай халандаарын бастакы, “ааны арыйар” бэлиэтэ. Онон сыал-сорук туруорунарга, саҥа идиэйэни, санааны саҕарга, тугу эрэ саҕалыырга тоҕостоох кэм иһэр. Үлэни-хамнаһы уларытар, бэйэ дьыалатын тэринэр, үбү-харчыны мунньар – түмүгэ эмиэ үчүгэй буолуо дииллэр. Ол эрээри кими эрэ албыынныртан, тугу эрэ кистииртэн, куомуннаһартан, кискэртэн – туттунуҥ.

Арба да, кырыыса – элбэх оҕолоох харамай. Онон бу кэскили түстүүргэ, удьуору ууһатарга үтүө дьайыҥнаах буолар чинчилээх.

Салгыы ый бэлиэлэрин бу сылга туох күүтэрин билиэх.

Хой (кулун тутар 21 – муус устар 20 кк.)

Хой сылы быһа ыарахан сүгэһэрдээх очуос таас хайаны дабайан иһэр, хайа чыпчаала кэлиэхчэ-кэлбэт курдук санаалаах үлэлиэ-хамсыа. Аны туран, Хой 2020 с. ахсынньытыгар диэри олох-дьаһах араас эйгэтигэр хас даҕаны соругу бииргэ, суулуу тутан, быһаара сатыа. Онтон сылтаан сыл бүтүүтэ бырда быста ыһыа эрээри, сыралаах үлэ түмүгэ соһуччу, хаһааҥҥытааҕар да үөрүүлээх буолуо. Хаһан да түүһээн баттаппатах дьоҕура арыллыа. Ону мүччү туппатар, “умнан” кэбиспэтэр эрэ, кэмниэ кэнэҕэс дьылҕатыгар махтаныа.

Оҕус (муус устар 21– ыам ыйа 21 кк.)

2020 сылга Оҕус туохха барытыгар эппиэтинэстээхтик, оттомноохтук сыһыаннаһыахтаах, тып-тап курдук тутта-хапта сылдьыахтаах. Дьиҥэр, кини үгүс бырааһынньыгы, үөрүүнү-көтүүнү, сынньанары сөбүлүүр эрээри, эһиил бэйэ бодотун тардына сырыттаҕына, улахан сыалы-соругу туруорунан үлэлээтэҕинэ, кырыыса кинини үтүө хараҕынан көрүөҕэ. Онтун ааһан, эһиил үчүгэйдик үлэлээтэҕинэ, саҥа мөһүлгэ акылаатын бигэтик түһэрдэҕинэ, кэлэр да сылларга үп-харчы боппуруоһугар төбөтө ыалдьыбат буолуо.

Игирэлэр (ыам ыйын 22–бэс ыйын 21 кк.)

Өскөтүн ааһан эрэр сылга Игирэлэр умса-төннө түһэн үлэлээбит, чугас дьоннорун, доҕотторун кытта элбэхтик алтыспатах буоллахтарына, бу сылга кинилэри доҕордоһуу уонна күүстээх таптал күүтэр. Ол эрээри сүрэхтэрин-дууһаларын арыйа охсорго, ыһа-тоҕо сынньанарга тиэтэйиэ суохтаахтар. Саҥа билсиһии үйэлэрин моҥуур сүрэхтэрин аҥаарын кытта көрсүһүүнү тосхойуо. Үп-харчы кырыымчык соҕус буолуо эрээри, онтон тахсарга тобуллубут быһаарыы олохторун тухары туһалыа. Ааспыты, буолан бүппүтүн аһыйбыттааҕар саҥа суолу тобулар быдан ордук буолуо.

Араак (бэс ыйын 22–от ыйын 22 кк.)

Быйыл дьон бары Араак хантан күүс-күдэх, сэниэ-эрчим булан үлэлиирин, кэлэрин-барарын, кыайарын-хоторун сөҕүөхтэрэ. Ол эрээри кини бэйэтэ мэлдьи бириэмэ сырсыытыгар сылдьыа, тугу да сиппэт, кыайыа, соругун, быланнаабытын ситиэ суох курдук санаалаах буолуо. Ити барыта – сулустар дьайыылара. Ол гынан баран, араак 2020 сылга тус олоҕор да, үлэтигэр-хамнаһыгар да кимнээҕэр элбэх ситиһиилэниэ. Оттон хаалбыта-сиппэтэҕэ кэлэр сылга үлэлииргэ-хамсыырга уонна күүһү-сэниэни эбэр төрүөт эрэ буолуо.

Хахай (от ыйын 23–атырдьах ыйын 23 кк.)

Хахай бу сыллар тухары үлэлээбитин-хамсаабытын быйыл Кырыыса үтүө хараҕынан көрүөхтээх. Онон булгуччу көмөлөһүө. Күүс-күдэх өһүллэр, үлэлиир-хамсыыр санаа тамты мэлийбит кэмнэригэр кырыыса көмөтүнэн үтүө дьон көстүөхтэрэ, кинилэр Хахай саҥа саҕахтары арыйарыгар төһүү буолуохтара. Хахай 2020 сылга кими эрэ таптыан, төбөтө эргийэн ылыан сөп. Оннук түгэҥҥэ бэйэни, тулалыыр быһыыны-майгыны анаалыстаан көрөр ордук. Сыал-сорук туһугар үбү-харчыны, сэниэни харыстаабатаҕына, 2021 сылга уонна онтон кэлин “олоҕум табылынна” диир кыахтаныа.

Кыыс (атырдьах ыйын 24–балаҕан ыйын 23 кк.)

Өйү-санааны сааһылыыр, күүһү-күдэҕи мунньунар, уоскуйар сыл иһэр. Өскөтүн Кыыс кыаҕын уонна сайдар кэскилин сатаан сөпкө сыаналаатаҕына, 2020 сылга бары баҕатын толорор кыахтаах. Кыыс бэлиэлээх дьон эһиил өрөмүөннэниэхтэрин, үлэлэрин-хамнастарын уларытыахтарын, ханна эрэ көһөн барыахтарын, саҥа тапталы көрсүөхтэрин сөп. Ол эрээри бириэмэни уһатар-кэҥэтэр табыллыбат. Ол унньуктаах уһун санаа түһүүтүгэр тиэрдиэн сөп. Онон 2020 сылга саамай үчүгэй быһаарыы – бүгүн уонна барытын!

Ыйааһын (балаҕан ыйын 24–алтынньы 23 кк.)

Ааһан эрэр Сибиинньэ сыла Ыйааһын сэниэтин, сыратын-сылбатын эспит, үгүстүк түбүгүрдүбүт, ситиһиини да тосхойбут. Онон быйыл кини сынньанар сыла. Биллэн турар, ыһыктар табыллыбат эрээри, сыллааҕы былааны тохсунньу саҥатыгар оҥостон баран, аргыый аҕай инники диэки дьүккүйэ туруохха сөп. Саамай сүрүнэ – ыксаабакка. Олох, дьол уонна таптал минньигэс амтанын билэр курдук. Кырыыса “ыйааһын ырытар, ырыҥалыыр дьоҕура үптээх-харчылаах хаппардары арыйарга көмөлөһүө” диир.

Скорпион (алтынньы 24–сэтинньи 22 кк.)

Скорпион уонна Кырыыса курдук икки уустук харамай биир дьиэҕэ батан олороллоро уустук. Онон Скорпионнар сэрэхтэрин сүтэрдэллэр, ыһыктан кэбистэллэр, тугу эмэ көтүмэхтик оҥортоллор эрэ, Кырыыса олууру-моһуура оҥороро саарбаҕа суох. Онон бу сыл Скорпионнар майгыларын, туруктарын, өйдөрүн-санааларын тургутар сыл. Өскөтүн кинилэр мөһүлгэ бастакы сылын этэҥҥэ мүччү түстэхтэринэ, бэйэ бодоллорун ыһыктыбатахтарына, кинилэри ким да тохтотор, самнарар кыаҕа суох буолуо. Кинилэри салгыы ситиһии, табыллыы, таптал уонна дьол эрэ күүтэр.

Охчут (сэтинньи 23–ахсынньы 21 кк.)

Охчуттар кыайыы-хотуу, ситиһии кэбэҕэстик кэлэригэр, Дьылҕа Хаан кинилэри мэлдьи хадаҕалыырыгар үөрэнэн хаалбыттар. 2020 сылтан оннугу күүтэр табыллыбат. Кырыыса кыҥкыйдыан, кинилэртэн элбэҕи ирдиэн сөп. Онон эһиил уустук боппуруоһу быһаарар туһугар, элбэхтэн аккаастаныахтарын, үгүһү үлэлиэхтэрин, саҥаны тобулуохтарын наада. Ону кыайдаллар, сатааталлар эрэ, сыл бүтүүтэ олохторун тухары көмөлөһүөхтээх, аһатыахтаах-таҥыннарыахтаах улахан уопуту мунньунуохтара. Саамай сүрүнэ – хайдахтаах да кэмҥэ чугас дьонноохторун умнумуо суохтаахтар.

Чубуку (ахсынньы 22–тохсунньу 20 кк.)

Чубукулар таҥнарыы уонна албын диэни умнубуттара ырааппыт буоллаҕана, сыл саҕаланыыта Кырыыса ону санатыа. Ол эрээри кинилэр онтон куттанар, “олоҕум манан бүттэ” диир дьон буолбатахтар. Дьону кытта сыһыаны, олоҕу саҥалыы көрүөхтэрэ уонна ол көмөтүнэн саҥа билсиһиини олохтоон, үлэҕэ-хамнаска ситиһиилэниэхтэрэ, үп-харчы туругун тупсарыахтара. Үөрэнэллэрэ, умнубуту сөргүтэллэрэ үс бүк туһалаах буолуо. Тапталлааҕы кытта сыһыаны сэргэхситэр, умнуллаары гыммыты “быылын-буорун” тэбии түһэр кэм кэлбит.

Күрүлгэн (тохсунньу 21–олунньу 19 кк.)

Кырыыса сылыгар Күрүлгэннэр уу нуурал олохторо умнуллуо. Кини күрүлгэннэргэ бииртэн биир моһолу, уустук боппуруоһу бэлэмнээн олорор. Онон бу кыаҕы-күүһү, тулууру-дьулууру уонна саамай сүрүнэ – бэриниилээх буолууну тургутар сыл. Биирдиилээн билэр дьону кытта өйдөспөт түгэннэр үөскүөхтэрин сөп эрээри, күрүлгэн онтон тахсары, “эйэлээх суолу” тутары кимнээҕэр да ордук сатыыр. Бэйэлэрин ыһыктыбатахтарына, сыл бүтүүтэ соһуччу уонна хаһааҥҥытааҕар да үөрүүлээх бэлэх күүтэр.

Балыктар (олунньу 20–кулун тутар 20 кк.)

Кистии, хаһаана, “кэлин” дии сылдьыбыт баҕа санааны олоххо киллэрэр сыл. Мүччү тутуоҥ – ол айыыта онон буолуо. Кырыыса соһуччу быһаарыылары, туругас-олоругас, ураты толкуйдаах, халбархай суолга киирэртэн куттаммат дьону сөбүлүүр. Балыктар Кырыысаны сөхтөрдөхтөрүнэ, дьыала түмүгүн бэйэлэрэ да сөҕүөхтэрэ. Ол харчыга, үлэҕэ-хамнаска эрэ сыһыаннаах кыайыы буолбатах. Ол эрээри кими да хомотуо, болҕомто таһыгар хаалларыа суохтаахтар.

Источник

Сахалыы гороскоп (муус устар 23-30 күннэрэ)

Хой

Cанааҕын сааһыланаргар, дьиэҕин-уоккун бэрийэргэр уолдьаспыт. Оҕолоргун кытта аһаҕастык кэпсэтэн? улахан кыһалҕаны быһаарыаҥ. Эйигиттэн тугу эрэ кистииллэр. Дьиҥэр? эн мындыр сүбэҥ олус туһалаах буолуоҕа.

Оҕус

Докумуон, сурук-бичик үлэтигэр болҕомтолоох буолуоххун наада. Аһары ыксааҥҥын сыыһа-халты туттуоххун сөп. Маны эрдэттэн туоратар туһуттан холкутуу сатаа, билиҥҥи балаһыанньаны хайдах да түргэтэтэр кыаҕыҥ суох.

Игирэлэр

Эн тускунан соччото суох сураҕы тарҕатыахтарын сөп. Урукку сылларга алтыһа сылдьыбыт чугас киһиҥ манна кыттыгастааҕыттан хомойуоҥ. Дьоҥҥо хайдах бааргынан аһаҕастык сырыт.

Араак

Доруобуйаҥ мөлтүөн, онтон санааҥ түһүөн сөп. Дьиэ кэргэҥҥэр кыраттан сылтаан иирсии тахсыан сөп. Бу күннэргэ бэйэҕин туттуна соҕус сырыт.

Хахай

Ситиһиилээх түгэни мүлчү туппат туһуттан дуогабар түһэрсии, докумуон дьыалатын оҥорсуу үтүө түмүктэри аҕалыаҕа. Дьиэ кэргэҥҥэр эриэ-дэхси. Оҕолор үөрэххэ ситиһиилэринэн үөрдэллэр.

Кыыс

Бу нэдиэлэҕэ туох да саҥаны былааннаама. Ыраах айантан туттун. Арай дьиэҕэр-уоккар кыра өрөмүөн эбэтэр дьиэ ис-тас үлэтигэр ситиһии баар буолуоҕа.

Ыйааһын

Успуордунан дьарыктанан доруобуйаҕын бөҕөргүтэргэ дьулус. Доруобуйаҕын буортулуур астан-үөлтэн туттун. Туора дьону кытта аһары чугастык кэпсэппэтиҥ ордук.

Скорпион

Дьиэ кэргэҥҥэр үп-харчы өттүнэн уустук кэм бүрүүкээбит, иэһиҥ-күүһүҥ элбээри гыммыт. Онтон сылтаан чугас киһигин кытта өйдөспөккүн. Саҥа толкуйгун доҕотторгун кытары үллэстэн, кыһалҕаттан тахсар суолу быһаара сатаа.

Охчут

Доруобуйаны айгыратар аһыы утаҕынан аһары үлүһүйүмэ, суолга-иискэ сэрэхтээх буол. Ол кэриэтин чугас дьоҥҥун кытары үчүгэй киинэтэ көрөн, кинигэ ааҕан чуумпу сынньалаҥы таларыҥ ордук.

Чубуку

Саҥа этиилэр киириэхтэрэ. Маны барытын сыта-тура уһуннук толкуйдаа. Ким эрэ эйигин саныыр, ахтар эбит. Саҥа суолу тобуларга тус олоххор ситиһии күүтэр.

Күрүлгэн

Ууну-хаары эрдибэккэ биир тыллаах буол. Дьон эйигин ылынар, ытыктыыр кэмин мүччү тутума. Кэлэйэн, хомойон тиэрэ хайыһыахтарын сөп.

Балыктар

Бу нэдиэлэ балыктарга уустук соҕус буолуо. Дьону кытта сатаан өйдөспөккүн. Долгуну утары устубакка холкутук сырыт. Сотору кэминэн үчүгэй сонуну истиэҥ.

Источник

Сахалыы гороскоп бэлиэлэрэ 2021

САХАЛЫЫ ГОРОСКОП
Эн ханнык бэлиэҕин?
Төрөөбүт сыл бэлиэтэ төрөөбүт ый бэлиэтин кытта алтыһан, киһи майгыта үөскүүр.
Таҥха сылынан-ыйынан эргииринэн сахалар дьыл кэмин аайы киһи майгыта уларыйар дииллэрэ. Ити уларыйыы халлаантан (күнтэн, ыйтан) сибээстээҕин чуолкай өйдүүллэрэ.

Сыл бэлиэлэрэ
Бэлиэлэр Сыллар
Таҥха 1913 1925 1937 1949 1961 1973 1985 1997
Одун 1914 1926 1938 1950 1962 1974 1986 1998
Дьөһөгөй 1915 1927 1939 1951 1963 1975 1987 1999
Айыыһыт 1916 1928 1940 1952 1964 1976 1988 2000
Иэйэхсит 1917 1929 1941 1953 1965 1977 1989 2001
Үрүҥ айыы 1918 1930 1942 1954 1966 1978 1990 2002
Сир иччитэ 1919 1931 1943 1955 1967 1979 1991 2003
Сүҥ Дьааһын 1920 1932 1944 1956 1968 1980 1992 2004
Улуу Суорун 1921 1933 1945 1957 1969 1981 1993 2005
Хотой Айыы 1922 1934 1946 1958 1970 1982 1994 2006
Байанай 1923 1935 1947 1959 1971 1983 1995 2007
Билгэ 1924 1936 1948 1960 1972 1984 1996 2008

Таҥха тохсунньу
Одун олунньу
Дьөһөгөй кулун тутар
Айыыһыт муус устар
Иэйэхсит ыам ыйа
Үрүҥ айыы бэс ыйа
Сир иччитэ от ыйа
Сүҥ дьааһын атырдьах ыйа
Улуу Суорун балаҕан ыйа
Хотой Айыы алтынньы
Байанай сэтинньи
Билгэ ахсынньы

Бэлиэ майгыта
Таҥха — бүтэй, таайымтыа-сэрэйимтиэ, дьулуурдаах
Одун — бүтэй, тиийимтиэ тыллаах, дьүккүөрдээх
Дьөһөгөй — аһаҕас, тулуурдаах дьүккүөрдээх үлэһит
Айыыһыт — аһаҕас, аламаҕай, уоттаах, истиҥ
Иэйэхсит — аһаҕас, эйэҕэс, амарах
Үрүҥ айыы — аһаҕас, чаҕылхай, уохтаах, эрчимнээх
Сир иччитэ — аһаҕас, үчүгэйи ылымтыа, тулуурдаах
Сүҥ дьааһын — аһаҕас, кырдьыксыт, булгуччу майгылаах
Улуу Суорун — бүтэй, түгэхтээх, идэҕэ ураты аһаҕас
Хотой Айыы — бүтэй, бигэ, булгуччулаах, дохсун
Байанай — бүтэй, булугас-талыгас, уоттаах-кыланнаах, мындыр
Билгэ — олохтоохтук толкуйдуур, сылыктыыр, дьулуурдаах

Источник