Гороскоп кыым бэс ыйа

Нэдиэлэтээҕи гороскоп (бэс ыйын 1-7 күннэрэ)

Баайы-дуолу элбэтэр буолбуккун. Эбии быстах-остох үлэни толорон, балаһыанньаҕын биллэ тупсарыаҥ. Дьахталлар да, эр дьон даҕаны таҥас-сап атыылаһан, тас көрүҥнэригэр болҕомто ууруохтара. Сүрүн кыһалҕа – бурдук аска үлүһүйүү. Эмискэ уойан хаалар чинчи баар. Таһынааҕы ыалларгытын кытта сыһыаны тупсарарга бүтүн өрөбүллэри ыытыаххыт. Саҥарар саҥаҕар сэрэхтээх буол, тыл иччилээҕин өйдөө.

Нэдиэлэни олус настарыанньалаах саҕалыаҥ. Өр кэмҥэ ыра оҥостубут санааҥ туолара кыра хаалбыт. Кэрэ аҥаардар олус тупсубуттар, эр дьону олус долгутар буолбуттар. Бу нэдиэлэ биллибэккэ, биир тыынынан ааһыаҕа. Дьиэлээхтэргин кытта сыһыан орто соҕус. Тапталлааххын була сатаан кириитикэлээмэ, эрэммэт буолбуккун киэр кыйдаа. Бу күннэртэн успуордунан дьаныһан туран дьарыктаныаххын сөп.

Игирэлэр

Үлэҕэ да, тус олоххо да күлүккэ сылдьыаххын наада. Туохха да ыксаама, өрөлөһүмэ. Наһаа барытыгар баар буола сатыыгын, арыый да холку соҕустук тутта-хапта сылдьарыҥ буоллар. Чугас аймахтаргын кытта алтыспатаҕыҥ ырааппыт. Онон быыс-арыт булан, саатар, эрийэ сылдьыаҥ этэ. Аҕа саастаах дьоҥҥо харыстабыллаах сыһыаннан. Доруобуйаҕын хонтуруоллана сырыт. Бу күннэргэ үчүгэйдик утуйан, аһаан-таҥнан сылдьыаххын наада.

Араак

Инники былааҥҥын кимиэхэ да кэпсээмэ. Тус олоххун доҕотторгун кытта ырытыма. Уопсайынан, наһаа аһаҕас буолар наадата суох. Кэлин эрэйдэнэ сылдьыаҥ. Карьераҕа ситиһии күүтэр. Туох эрэ саҥаны билэргэ-көрөргө ситиһиилээх күннэр. Онон барытыгар саппай уопсан иһэриҥ наада. Урбаанньыттар саҥа таһымҥа тахсарга боччумнаах толкуйдаммыттар. Барытын түптээн-таптаан былааннаннаххына табыллыаҕа, тус кыаххар эрэн.

Хахай

Тулалыыр дьонуҥ эйиэхэ болҕомтону олус уурар буолбуттарын бэлиэтиэҥ. Билигин бэйэҕин үрдүк билиилээх исписэлиис быһыытынан көрдөрөргөр саамай түбүктээх күннэр. Бу кэрчик кэми этэҥҥэ аастаххына, карьераҕар табыллар кыахтанаҕын. Сулумахтар, сирэн-талан бүтэргит буоллар, бэрт буолуо эбит. Дьиҥэр, тулаҕытын болҕойон көрдөххүтүнэ, барытын өйдүөххүт. Уопсайынан, тапталга табыллыы баар. Кытаатыҥ, кытарчы көрүҥ.

Тапталлааххын кытта сыһыаны тупсарарга ситиһиилээх күннэр үүммүттэр. Кини болҕомтотун уурара элбээбит. Сыһыан олус тупсубут. Бу кэмҥэ наһаа дьоллооххун, өрүү маннык буолуон баҕараҕын. Үөрэнээччилэргэ эксээмэн, сочуот туттарарга табыллыы күүтэр. Сүрүн кыһалҕа – үп-харчы харыытыгар. Онон эр дьон дьиэ кэргэн туругун тупсарыыга түбүгүрүөхтэрэ. Суоппардар, суол-иис быраабылатын тутуһан сылдьыҥ.

Ыйааһын

Доруобуйаҕын көрүн. Ыарыы чинчитэ биллэр буоллаҕына, тулуйа сылдьыма. Ыарыыны дириҥэтимэ. Эти-хааны эрчийиигэ күүскэ үлэлиэххитин наада. Аны туран, куһаҕан дьаллыктан аккаастанар туһунан толкуйданаргыт оруннаах.Үлэҕэ сыһыан туһунан эттэххэ, кэллиэгэлэргин кытта өйдөспөт буолуу үөскээбит. Өрүү кинилэр этэллэринэн сылдьыма, атын дьон оннугар икки бүк үлэлээмэ. Сынньалаҥы уонна үлэни дьүөрэлээ, харыстан.

Скорпион

Тапталга табыллыыны сулустар 100 % мэктиэлииллэр. Ыаллар, бэйэ кэккэтин хаҥатар туһугар түүҥҥү “үлэни” кыһанан толоруоххутун наада. Оттон сулумахтар таптыыр киһилэрин оҥорон көрөртөн сылайбаттар. Дьиҥнээх истиҥ тапталы олус күүтэллэр. Бу күннэргэ кимиэхэ да харчыны иэс биэримэҥ. Инникитин үп-харчы кырыымчык буолуон сөп. От-мас сытын сөбүлээбэт дьон, таһырдьа мээнэ сылдьымаҥ.

Охчут

Үгүстэр олорор усулуобуйаҕытын тупсарыаххыт. Өрөбүллэри дьиэ-уот өрөмүөнүгэр барыаххыт. Хамсаабат баайы элбэтэр туһунан санаа баар. Эркин курдук эрэнэр доҕоруҥ биир олус суолталаах дьыалаҕа көмөлөһүөҕэ. Успуорду өрө тутааччылар көй салгынынан үлүһүйүүлэрэ элбээбит. Тапталлааххын кытта сыһыан биир кэм. Онон туох эрэ соһуччу үөрүүнү бэлэхтииргэ кыһалларыҥ эрэйиллэр. Оҕолоргун кытта иллэҥ кэмҥин сүүрэн-көтөн атаар.

Чубуку

Туохха барытыгар сиэрдээх буол. Дьону сэнээмэ, атаҕастаама, буолар-буолбат иирсээҥҥэ киирэн биэримэ. Сиэп төлөпүөнүн күнү супту тута сылдьаҕын, хараҕыҥ мөлтөөрү гыммыт. Онон хараххын сынньатарыҥ наада. Тапталга ордук сулумахтарга ситиһии күүтэр. Эмискэ баҕайы тапталга билинэн соһутуохтара. Саҥа киһини олоххо киллэрэр бэлэмнээх буоллаххына, туохтан да куттаныма. Кэннигин хайыһан көрбөккө, инниҥ хоту баран ис.

Күрүлгэн

Тулалыыр дьоҥҥор сыһыаныҥ олус үчүгэй. Киһи киһиэхэ үтүө санаалаах буолуохтааҕын өссө төгүл эккинэн-хааҥҥынан билиэҕиҥ. Аҕа саастаах Күрүлгэннэр элбэхтик айылҕаны кытта алтыһыаххытын наада. Ол эрээри наһаа уһуннук хаамымаҥ, бэйэ кыаҕын билинэн сылдьыҥ. Күннээҕи аһылыккытын кэтэнэ сылдьаргыт ирдэнэр. Куртах ыарыыта баар курдук. Онон аһылыккытын булгуччу көрүнүҥ. Үлэҕэ уларыйыы суох.

Доҕотторгун кытта бириэмэни атаарар буолбуккун. Соҕотох хаалартан кыккыраччы аккаастанаҕын, наар дьонноох-сэргэлээх сиргэ талаһаҕын. Дьиэлээхтэргин кытта уопсай тылы булар уустук соҕус буолбут. Ордук оҕолоргун кытта өйдөспөккүн. Кинилэргэ тугу саныыргын аһаҕастык этэ сылдьар буолаҥҥын, өһүргэтэриҥ элбээбит. Бу – ордук кыыс оҕолоох Балыктарга сыһыаннаах. Өрөбүллэри дьиэ үлэтигэр ыытыаҕыҥ. Оҕуруот түбүктээх үлэтэ күүтэр.

Источник

Нэдиэлэтээҕи гороскоп (бэс ыйын 3-9 күннэрэ)

Бу күннэргэ түбүк-садьык элбэх. Үп-харчы боппуруоһун тупсарар туһуттан иккис үлэҕэ кытары санаммыккын. Сылайыы баар. Өрөбүллэргэ дьиэ-уот үлэтэ күүтэр. Улахан уларыйыы суох эрээри, тылгын-өскүн кыана тутта сылдьарыҥ ордук. Дьону сытыы тылгынан өһүргэтиэххин сөп. Кими эмэ сөбүлүү көрбүт буоллаххына, кыбыстыбакка санааҕын биллэр. Ол үтүө түмүктээх буолуоҕа.

Хайҕанаргын олус сөбүлүүгүн. Бу нэдиэлэҕэ үлэҕэр өрө тахсыы баар. Салалта өттүттэн элбэх хайҕал тыллары истиэҥ. Бэйэҕэ эрэлиҥ икки бүк үрдээбит. Наһаа киһиргээмэ, бэйэҕиттэн дуоһуйума. Нэдиэлэ бастакы аҥаарыгар, тус олоххор болҕомтоҕун уур. Өйдөспөт түгэн баар буолуон сөп. Онон хайдах эмэ гынан үлэни уонна тус олоххун дьүөрэлээ.

Игирэлэр

Туора дьон кыһалҕатыгар орооһума. Үчүгэйдик билбэт дьоҥҥун итэҕэйимэ. Албыннатыаххын сөп. Көмө аахсыйатынан дьарыктаныма. Карьера чааһа урукку курдук, туох да хамсааһын суох. Сэрэдэ уонна чэппиэр интэриэһинэйдик ааһыахтара. Үчүгэйдик аһыы сырыт, сэниэтэ суох буолбуккун. Бэйэҥ эмтиэкэлэнэргин тохтотуоххун наада, эми мээнэ иһимэ. Элбэхтик салгыҥҥа сырыт, атаххын эрчийэн сүүрэ-көтө сатаа.

Араак

Эппиэтинэстээх үлэ сүктэриллибит. Ону суос-соҕотоҕун быһаарар буолбуккун. Настарыанньаҥ уларыйа сылдьара түргэнэ сүр. Кэллиэгэлэргэр соччото суох майгыгын көрдөрүмэ, мээнэ-мээнэ буолума. Бу бырайыагы ситиһиилээхтик толордоххуна, дуоһунаһыҥ үрдүөн сөп. Маны таһынан, үлэҕэ баттатан, куһаҕан дьаллыктаргын быраҕар бириэмэ уолдьаспыт.

Хахай

Үрдүк сололоох киһиттэн бииргэ үлэлэһэр туһунан этии киириэҕэ. Үчүгэйдик толкуйдан. Өскөтүн сөбүлэстэххинэ баһылла сытар үптэниэҥ. Биллэн турар, ол барыта сыралаах үлэттэн кэлэр. Тулалыыр дьоҥҥор наһаа ирдэбиллээхтик сыһыаннаһыма, ыгыма-түүрүмэ. Хата, ол оннугар бэйэҕэр туох эрэ саҥаны арый. Холобур, хаһан да көрбөтөх-истибэтэх сиргэр сырыт, аймахтаргар ыалдьыттаа, эрэстэрээҥҥэ баран минньигэстик аһаа, о.д.а.

Дьиэҕэ көстүбэт буолбуккун, туох да күүстээх үлэҕэ баттаппыккын. Онон дьоҥҥун кытта өйдөспөт буолуу баар. Саамай сүрүнэ ньиэрбинэйдээмэ, суолтата суох тылынан ыһыахтаныма. Эн аһара уордайбатаххына, омуннамматаххына, кыһалҕа түргэнник быһаарыллыаҕа. Бу күннэргэ түргэн-тарҕан тутуулаах буоллаххына, былааннаммытыҥ барыта туолуо. Сарсыарда күҥҥүн сэрээккэттэн саҕалаа,сэргэхтик сырыт.

Ыйааһын

Тапталлааххын кытта сыһыаны бөҕөргөтө сатыыгын. Сүрэҕиҥ аҥаара ону сыаналыаҕа, эйиэхэ утары баран, истиҥник таптыырын биллэриэҕэ. Бу курдук, өр хомойо сылдьыбакка, түргэнник бырастыы гынарга үөрэн. Үлэ чааһыгар, тус интуицияҕар эрэннэххинэ, табыгастаах буолуо. Атыыга-эргиэҥҥэ табыллыы күүтэр. Утуйуон иннинэ элбэҕи толкуйдаама, үчүгэйдик уугун ханан сырыт.

Скорпион

Бииртэн биир алҕаһы оҥорор кутталлааххын. Бырааһынньыгынан олороҕун. Үөрүү-көтүү, кэлии-барыы үксээбит. Ол иһин, үлэ, дьиэ кэргэн умнууга хаалбыт. Кытаатан барытын дьүөрэлии сатаа. Наһаа сынньалаҥ олоҕунан үлүһүйүмэ, туох да үчүгэйгэ тиэрдиэ суоҕа. Сулумахтар, бииртэн биир киһиэхэ көһө сылдьымаҥ. Тус олоххун боччумнаахтык оҥостуоххун наада.

Охчут

Хайдах эрэ соҕтохсуйбуккун, олоҕуҥ аһара чуҥкук буолбут. Үлэттэн туох да дуоһуйууну ылбаккын. Барытын сатыырын, билэрин-көрөрүн бэрт. Онон олоххо интэриэһи күүһүрдэр туһуттан, туох эрэ саҥа сүүрээн наада. Холобур, урут сөбүлээн дьарыктаммыт дьарыккын сөргүтүөххүн сөп. Иллэҥ бириэмэҕин халтайга ыытыма, тэлэбиисэр иннигэр сытыма.

Чубуку

Ис санааҥ сатарыйа быһыытыйбыт. Билбэт дьоҥҥун кытта аһаҕастык кэпсэтимэ. Бэйэҥ бэйэҕэр кырдьыксыт буол. “Тус олохпун оҥостобун дуу, үлэбин талабын дуу?” диэн ыйытыы туруо. Ону бэйэҥ эрэ быһаарар кыахтааххын. Чугас дьонуҥ санааларын олус истэҕин, сороҕор кинилэр эрэ эппиттэринэн сылдьар курдуккун. Үлэҕэ саамай табыллар күнүҥ — чэппиэр.

Күрүлгэн

Аймахтаргын кытта сибээһи алдьатарга санаммыккын. Кинилэр кириитикэлэрин ылыммаккын, кыйахан туран аахсаҕын. Арыый да, бириэмэ ааспытын кэннэ, иллэһиэххит. Үлэҕэр саҥа эбээһинэһи ылына сатаама. Тугу да былааннаама. Наһаа сылайбыт буоллаххына, уоппускаҕа барарыҥ ордук буолуо. Дьоҥҥо сыһыаҥҥын, үлэҕэ көрүүлэргин соҕотоҕун чуумпуга ырыҥалаан көр.

Балыктар

Сыалгын-соруккун ситиһээри буһуу-хатыы буолбуккун. Үлэ этэҥҥэ баран иһэр эрээри, наһаа элбэҕи үлэлиигин. Атын дьон эбээһинэһэ кытары эйиэхэ сүктэриллэр. Туохтан да куттаммакка, санааҕын аһаҕастык этэриҥ буоллар, итинник буолуо суох этэ. Элбэҕи үлэлиириҥ доруобуйаҕар охсуулаах буолуо. Онон кытаатан бэйэҕин харыстан. Өрөбүллэри чугас дьоҥҥун кытары атаар.

Источник

Нэдиэлэтээҕи гороскоп (бэс ыйын 15-21 күннэрэ)

Кыаҕыҥ күүһүҥ барытыгар тиийиэ суоҕа. Онон чугас дьонуҥ көмөлөрүттэн аккаастамматыҥ ордук. Олус тыҥааһыннаах нэдиэлэ үүнээри турар. Барыта санааҥ хоту буолумуон эмиэ сөп. Дьиҥэр, эн доҕор-атас чааһыгар олус табыллыбыт киһигин. Эйигин элбэх эрэллээх доҕор тулалыыр. Ол гынан баран барыларыттан чорботор уонна ордук эрэнэр киһилээххин. Кинини кытта аһаҕастык кэпсэтэн, санааҕын сааһыланнаххына, барыта этэҥҥэ буолуоҕа.

Үп-харчы кыһалҕатын быһаараары тиритии-хорутуу бөҕө буолбуккун. Маныаха ордук эр дьон түбүгүрүөхтэрэ. Харчыны харыстыыр уонна сөпкө туһанар туһунан дьиэлээхтэргин өйдөтүөххүн наада. Бу кэпсэтии кэннэ кыра мөккүһүү, өйдөспөт буолуу үөскүөн сөп. Өрөбүллэри доҕотторгун кытары үөрэн-көтөн атаарар былааннааххын. Үлэҕэр ыгыы-түүрүү элбэх. Салалтаҥ биэрбит сорудаҕын мунньубакка толорон ис. Сулумахтары саҥа билсиһии күүтэр.

Игирэлэр

Туох эмэ уларытыыны былааннаабыт буоллаххына, санааҕын ыһыктыма. Сулустар эйиэхэ наһаа таһаарыылаах уонна үтүө түмүктээх күннэри эрэннэрэллэр. Нэдиэлэ иккис аҥаарын саамай чугас дьоҥҥун кытта атаарарыҥ ордук. Үлэһит быһыытынан олус сатабыллааххын уонна туохха барытыгар ураты көрүүлээххин. Айар эйгэҕэ үлэлээччилэри ситиһии күүтэр. Сүрүн кыһалҕа – доруобуйа. Доруобуйаҕын үчүгэйдик кэтэнэ сырыт, ханнык да түгэҥҥэ бэйэҥ эмтиэкэлэнимэ.

Араак

Нэдиэлэ саҕаланыыта үтүө сураҕы истэн олус үөрүөҥ. Маныаха саамай уустук сорудахтары тиһэҕэр тиэрдэн, кыайыылаах-хотуулаах эн буолуоҕуҥ. Элбэх кэллиэгэҕин быыһаан-абыраан сылдьаҕын. Ол эрээри атын дьон оннугар наһаа түбүгүрбэтиҥ буоллар. Олорор дьиэҕэр болҕомтолоох буол. Итэҕэс-быһаҕас, ситэ оҥоһуллубатах үлэ элбэх. Ону үчүгэйдик билэн-көрөн сырыт. Аны туран, тапталлааххын кытта өйдөспөт түгэн эмиэ үөскүөн сөп. Бэйэ-бэйэҕитин күнүүлэһэн да биэрэҕит.

Хахай

Олоххор олус суолталаах тэрээһин дуу, мунньах дуу буолаары турар. Ол эйиэхэ наһаа ситиһиилээхтик ааһыаҕа. Инники олоххун былаанныыргар бириэмэ уолдьаспыт. Онон хас биирдии хардыыгар эппиэтинэстээх буол. Салайааччыны билиммэккин, бэйэҥ тойон-хотун буолуоххун ыраланаҕын. Тус олоххор уустук түгэн баар. Наһаа тойомсук буолаҥҥын, тапталлааххын хомотор түгэниҥ элбэх. Тылгын-өскүн арыый да туттунарыҥ буоллар, бэрт буолуо эбит.

Олоххор суолталаах уларыйыы-тэлэрийии буолаары турар. Туох баар уустугу этэҥҥэ туоруур кыахтааххын. Эйигин элбэх сытыы-хотуу дьон тулалыыр буолбуттар. Алтыһар эйгэҥ кэҥээн, бэйэҕэ эрэлиҥ улааппыт. Тапталлааххын кытта сыһыаҥҥа саҥа сүүрээни киллэриэххин наада. Эһиги сыһыаҥҥыт саҥа таһымҥа тахсыахтаах. Ис туруккун үчүгэйдик кэтэнэ, туохтан да хомойбокко, санааҕа ылларбакка сырыт.

Ыйааһын

Нэдиэлэ саҕаланыыта албыҥҥа киирэн биэриэххитин сөп. Тулалыыр дьоҥҥутугар болҕомтолоох буолуҥ. Кинилэр өттүлэриттэн үктэтиилээх соҕус балаһыанньа үөскүөн сөп. Күүркэйиигэ бэринэн кэбиһэр сыыһа. Оҕоҕор-уруугар соһуччу бэлэх оҥорон үөрдүөххүн сөп. Эйигиттэн уһулуччу болҕомтону күүтэллэр. Сулумахтар, билсиэн-көрсүөн баҕалаахтары тэйитимэҥ, кэпсэтэн-ипсэтэн иһиҥ. Таптал соһуччу тиийэн кэлиэҕэ.

Скорпион

Ис санааҕын ситэ тиэрдибэт курдуккун. Барытын бэйэҕэр тута сылдьаҕын. Ол доруобуйаҕа охсуулаах буолуон сөп. Чугас дьоҥҥуттан олус элбэҕи эрэйэҕин. Ордук тапталлаххын ууга-уокка түһэрэҕин. Аҕа саастаах дьон доруобуйалара, олохторо-дьаһахтара этэҥҥэ. Бу курдук аргыый-наллаан, туохха да ыксаабакка, элбэҕи хамнаммакка сылдьыҥ. Нэдиэлэ үөрүүтэ – олус сыаналаах малы бэлэх тутаргыт. Иллэҥ кэмҥин оҕолоргун кытта атааран улаханнык дуоһуйаҕын.

Охчут

Үп-харчы өттүнэн табыллыы нэдиэлэ сүрүн сыала буолуоҕа. Кирэдьииккин, иэскин-күүскүн этэҥҥэ төлүөҕүҥ. Нэдиэлэ устата олус элбэҕи үлэлиэҕиҥ. Тус олоххор бириэмэ да тиийбэт буолуоҕа. Маныаха дьыалабыай көрсүһүүлэргэ таҥаскын-сапкын, уобараскын көрүнэ сырыт. Ол элбэҕи быһаарыаҕа. Айылҕаҕа сылдьан санаалыын чэпчээн, ыраастанан санааҥ көтөҕүллүөҕэ. Дьиэ кыылын иитэ ылар баҕа санаа үөскээбит, онон сотору элбииһигит.

Чубуку

Урут былааннаабыт идиэйэҥ олоххо киирэр кыахтаах. Олоххо эрэллээхтик хардыылыыр инниттэн туруоруммут сыалгын ситиһэргэ бэлэмҥин. Маныаха эппиэтинэстээх тургутууну ааһар чинчилээххин. Дьиэ-уот үлэтэ элбэх. Өрөмүөнү бүтэрэр туһуттан күннэтэ түбүгүрэҕин. Тус олоххор уларыйыы баар. Бириэмэ барытын көрдөрөн иһиэ эрээри, үчүгэйдик толкуйданарыҥ ордук. Күннээҕи аһылыккар болҕомтооох буол, аскын хонтуруолламмат буолаҥҥын, уойар чинчилээххин.

Күрүлгэн

Наһаа үчүгэй чуумпу нэдиэлэ ааһыаҕа. Ыаллары ордук ситиһиилээх, сылаас, истиҥ күннэр күүтэллэр. Кинилэри таптал ыраас иэйиитэ кууспут. Бу түгэҥҥэ наһаа дьоллооххун өйдүөҕүҥ. Үлэҕэ үлүһүйүүнү арыый да тохтоппуккун, бу күннэри саамай чугас дьоҥҥун кытта атаарар былааннааххын. Эр дьон айылҕаны кытта элбэхтик алтыһыахтара, доҕотторун көрсөн үөрүөхтэрэ-көтүөхтэрэ. Кэллиэгэлэргин кытта өйдөспүт түгэн баар буоллаҕына, олус муударай быһаарыыны ылыныаххыт.

Балыктар

Нэдиэлэ саҕаланыыта олус түбүктээх буолуоҕа. Үлэҕэ улаханнык умса түһэн сылдьар кэмиҥ. Маныаха үчүгэй хампаанньаны кытта дуоһуйа сынньанан, сылайбыккын билбэккэ хаалыаҥ. Эйиэхэ доҕотторуҥ бэһиэлэй киэһэни бэлэхтиэхтэрэ. Аны туран, сыралаах үлэҥ иһин салалтаҕыттан улаханнык хайҕаныаҥ, ол ботуччу соҕустук сыаналаныаҕа. Дьиэлээхтэргин кытта сыһыан куһаҕана суох. Бииргэ үөрэр-көтөр, бириэмэни атаарар түгэн элбэх. Бу күннэргэ албын-көлдьүн эрэ дьоҥҥо киирэн биэримэ.

Источник