«Манчаары оонньууларын» мобильнай сыһыыарыыта үлэлээтэ
«Манчаары оонньуулара» национальнай спорт көрүҥнэригэр ХXI Спартакиадатын мобильнай сыһыыарыыта үлэлээтэ. Бу туһунан турнир пресс-сулууспата иһитиннэрэр.
Сыһыарыыга күнүнэн бырагыраама, оонньуулар историялара, күрэхтэһиилэр көрүҥнэрэ, оонньуу бэлиэлэрин тустарынан иһитиннэрии, уот эстафетатын, партнердар уонна күрэхтэһии ыытыллар эбийиэктэрин туһунан иһитиннэриилэр киирдилэр.
«Сыһыарыы биир сүрүн соруга — түргэн уонна табыгастаах иһитиннэрии. Бу «Манчаары оонньуулара» коронавирус тарҕамматын туһугар көрөөччүтэ суох ыытылларынан ордук тоҕоостоох. Сыаһыарыы көмөтүнэн көрөөччү күрэхтэһии сонуннарын уонна хаамыытын тута билиэҕэ», — диэн иһитиннэриигэ этиллэр.
Маны таһынан, манна Бэрдьигэстээх сэлиэнньэтин, күрэхтэһии ыытыллар эбийиэктэрин интерактивнай каартата баар.
Сыһыарыыны Android-ка уонна IOS-ка PlayMarket-тан уонна App Store-тан хачайдыахха сөп.
«Манчаары оонньуулара» спорт национальнай көрүҥнэригэр спартакиадата от ыйын 6-11 күннэригэр буолуоҕа. Күрэхтэһиини «Якутия 24», «Саха» НКИХ, «Мамонт» ханаалларыгар, «Тэтим» радиоҕа, ону тэҥэ YouTube-ка көрүөххэ сөп.
Көрөөччүлэр «Манчаары оонньууларын» аһыллыытын уонна сабыллыытын сиэрин-туомун театрализованнай бырагырааматын, чэпчэки атлетика, сахалыы ыстаныы, национальнай многоборье көрүҥнэри, мас тардыһыытын, хапсаҕайы уонна ат сүүрдүүтүн күрэхтэһиилэрин көрүөхтэрэ.
Спартакиада үөрүүлээх аһыллыытын быһа эпиирэ от ыйын 7 күнүгэр 21:00 чаастан саҕаланыаҕа.
Быһа эпиир, ону тэҥэ «Манчаары оонньууларын» быһа эпиирдэрин бары уһуллуутун «Саха» НКИХ AppStore-га уонна GooglePlay-гэ мобильнай сыһыарыытыгар баар буолуоҕа.
Источник
«Манчаары оонньууларыгар» тугу көрүөххэ?
От ыйын 7-11 күннэригэр Горнай улууһугар Бэрдьигэстээххэ «Манчаары оонньуулара» буолаары турар.
Тэрээһин култуурунай бырагыраамата хайдах буоларый?
От ыйын 7-11 күннэригэр Мытаах музей-галереятыгар, духуобунас киинигэр, Олоҥхо дьиэтигэр быыстапкалар буолуохтара. «Манчаары оонньууларын» кыттыылаахтарын уонна ыалдьыттарын Афанасий Осипов уонна кыыһа Анна Осипова хартыыналарын быыстапкалара, «Раритеты Горного улуса», «Дьаныардаах дьарыкпыт бар дьоммутугар» өрөспүүбүлүкэтээҕи быыстапка-дьаарбаҥка, рационализатор Захар Павлов «Ретро – техника» кэллиэксийэтэ, Алексеев В.И хаартысканан быыстапкалара күүтэллэр. «Игры Манчаары в лицах» успуорка уонна оонньуулар устуоруйаларыгар аналлаах хаартысканан быыстапка буолуоҕа. Маны сэргэ, «Спортивная жизнь Горного улуса», «Манчаары оонньуулара — уран тарбах дьүһүйүүтүгэр» куонкурус-быыстапка, Кэптин орто оскуолатыгар 1965-1991 сс. физкултуура учууталынан үлэлээбит новатор-учуутал, СӨ норуот маастара А.И.Сидоров спортивнай тэриллэрин быыстапката болҕомтону тардыахтара. От ыйын 8,9,10 күннэригэр «Горнай Синема» киинэ саалатыгар «Тыгын Дархан» историческай хартыына көрдөрүллүө.
«Манчаары оонньууларын» кэмигэр эҥин араас култуурунай бырагырааманы тэрийэргэ кыһалынныбыт. Түмэллэр олус интэриэһинэй экспозициялары мустулар. «Тыгын Дархан» киинэ көрөөччүлэр болҕомтолорун тардарыгар эрэнэбин. Биллэн турар, тэрээһин саҕаланыытыгар уонна түмүккэ улахан театрализованнай көрдөрүүлэр буолаллар. Өрөспүүбүлүкэ бары олохтоохторо тэлэбиисэринэн көрүөхтэрин сөп. Манна даҕатан эттэххэ, «Манчаары оонньууларыгар» култуурунай бырагыраамаҕа кыттааччылар бары быһыыны ылбыттара», — диэн этэр СӨ Култуура уонна духуобунай сайдыы миниистирин солбуйааччы Марина Силина.
«Манчаары оонньууларын» үөрүүлээх арыллыыта от ыйын 7 күнүгэр «Чыпчаал» стадиоҥҥа 21.00 ч. саҕаланар. Өрөспүүбүлүкэ олохтоохторо «Саха» НКИХ ханаалыгар көрүөххүтүн сөп.
Источник
Горнай улууһа «Манчаары оонньууларыгар» бэлэмнэнэр
Бырабыыталыстыба бэрэссэдээтэлин солбуйааччы э.т., «Манчаары оонньууларын» тэрийэр хамыы һыйа салайааччыта Сергей Местников Горнай улууһун Бэрдьигэстээх нэһилиэгэр «Манчаары оонньуулара» спорт төрүт көрүҥнэригэр XXI-с спартакиада тутууларын кытары билистэ. Бу туһунан СИА иһитиннэрэр.
Эһиил ыытыллыахтаах «Манчаары оонньуулара» спорт төрүт көрүҥнэригэр XXI-с спартакиаданы көрсө Бэрдьигэстээххэ 4000 миэстэлээх стадион, Матта өрүс биэрэгин бэрийии, ытааччыларга аналлаах 50 миэстэлээх интернаттаах комплекс, элбэх функциялаах чэбдигирдэр киин, ипподрому сөргүтүү үлэлэрэ бара тураллар.
От ыйын 7 күнүгэр Сергей Местников миэстэтигэр үлэ хаамыытын кытары билистэ. Тэрээһин туһунан улуус баһылыга, тэрийэр хамыһыйа салайааччытын солбуйааччы Никита Андреев билиһиннэрдэ. Кини стадион тутулла турар сирэ саас ууга бара сылдьыбытынан сибээстээн тутууга былаантан хаалыы баарын эттэ.
Ол эрэн Сергей Местников тутуу кэмигэр баран иһэрин бэлиэтээтэ. Элбэх функциялаах чэбдигирдэр киин быйыл тутуллан сыл бүтэһигэр үлэҕэ киирэр диэн эттэ. «Бүгүн этиллибит атын кыһалҕалары тэрийэр хамыһыйаны кытары бииргэ быһаарыахпыт», — диэтэ Сергей Местников.
Санатар буоллахха, «Манчаары оонньуулара» Саха сиригэр түөрт сыл буола буола ыытыллар. Оонньуулар бүтэһигин Үөһээ Бүлүү улууһугар ыытыллыбыттара. XXI-с уочараттаах спартакиада эһиил от ыйын 7 күнүгэр саҕаланыа.
Источник
«Манчаары оонньууларын» уота Баһылай Манчаары төрөөбүт алааһыгар уматыллыаҕа
От ыйын 4 күнүгэр Мэҥэ Хаҥалас улууһугар Манчаары төрөөбүт Арыылаах алааһыгар XXI төгүлүн ыытыллар успуорт национальнай көрүҥнэригэр спартакиада уота уматыллан, эстафета саҕаланыаҕа.
Бу үөрүүлээх быһыыга-майгыга СӨ Бырабыыталыстыбатын бэрэссэдээтэлин солбуйааччы Сергей Местников, СӨ успуорка уонна физическэй култуураҕа миниистирэ Иннокентий Григорьев, Мэҥэ Хаҥалас улууһун баһылыга Николай Старостин, Горнай улууһун баһылыга Никита Андреев уонна Манчаары аатынан успуорт национальнай көрүҥнэрин киинин дириэктэрэ Гаврил Мохначевскай кыттыыны ылыахтара.
Эстафета уотун Саха сиригэр чөл олоҕу тарҕатааччы, физическэй култуура уонна успуорт үтүөлээх үлэһитэ, экстремал сүүрүүк Дмитрий Горохов уонна Саха АССР уһуну сүүрүүгэ уон төгүллээх чөмпүйүөнэ, успуорт маастара Афанасий Илларионов салалталаах сүүрүүктэр бөлөхтөрө арыаллыаҕа.
Бөлөххө Виктор Константинов, Мариянна Васильева, Валентина Доргуева, Виктория Баишева, Василий Уваровскай, Иннокентий Степанов, Екатерина Драгунова, Иннокентий Олесов уонна Владимир Сидоров киирдилэр. Кинилэр түөрт күн устата Мэҥэ Хаҥалас — Дьокуускай — Горнай хайысханан 300 км сүүрүөхтэрэ. Эстафета айанын оонньуулар логотиптаах массыына арыаллыаҕа.
Факел от ыйын 7 күнүгэр Бэрдьигэстээххэ кэлиэҕэ, «Чыпчаал» стадиоҥҥа оонньуулары арыйыаҕа.
Источник
Горнай хапсаҕайдьыттара «Манчаары оонньууларыгар» бэлэмнэр
Бэрдьигэстээххэ ыытыллар «Манчаары оонньуулара» спорт национальнай көрүҥнэригэр XXI-с Спартакиадаҕа Горнай улууһун хапсаҕайдьыт уолаттарын хамаандата улахан киирсиилэргэ бэлэм. Эдуард Максимов төрөөбүт улууһун аатын көмүскүү кэлбит уол маннык санаалаах:
«Хапсаҕайга киирсэргэ дьарык, бэлэмнэнии үчүгэй дии саныыбын. Хайа да күрэхтэхһиигэ дьарык быһаарар. Үчүгэйдик оонньуур хапсайҕайдьыт киирсэрин көрөргө да үчүгэй буолар. Бэйэм тустуукпун. Куоракка ааспыт сылы быһа дьарыктанным. Горнай улууһа араас оройуонтан күрэхтэһии кыттааччыларын көрсөргө уонна оонньуулары таһымнаах тэрийиэхтэрэ. Быйылгы «Манчаары оонньуулара» көрөөччүтэ суох ыытыллар. Кинилэрэ суох киирсэр олус ыарахан. Көрөөччү хаһан баҕарар күүс-көмө биэрэр. Билигин суохтара хомолтолоох. Ол да буоллар төрөппүттэрбит, чугас дьоммут, доҕотторбут НВК «Саха» ханаалга көрөн ыалдьыахтара», — диэн Эдуард кэпсээтэ.
«Манчаары оонньуулара» спорт национальнай көрүҥнэригэр спартакиадата от ыйын 6-11 күннэригэр буолуоҕа. Күрэхтэһиини «Якутия 24», «Саха» НКИХ, «Мамонт» ханаалларыгар, «Тэтим» радиоҕа, ону тэҥэ YouTube-ка көрүөххэ сөп.
Көрөөччүлэр «Манчаары оонньууларын» аһыллыытын уонна сабыллыытын сиэрин-туомун театрализованнай бырагырааматын, чэпчэки атлетика, сахалыы ыстаныы, национальнай многоборье көрүҥнэри, мас тардыһыытын, хапсаҕайы уонна ат сүүрдүүтүн күрэхтэһиилэрин көрүөхтэрэ.
Спартакиада үөрүүлээх аһыллыытын быһа эпиирэ от ыйын 7 күнүгэр 21:00 чаастан саҕаланыаҕа.
Быһа эпиир, ону тэҥэ «Манчаары оонньууларын» быһа эпиирдэрин бары уһуллуутун «Саха» НКИХ AppStore-га уонна GooglePlay-гэ мобильнай сыһыарыытыгар баар буолуоҕа.
Источник
